-----------------------------------------------------

Sabhi kay Maula banay hain Ali Gadeer kay din

Khuda kay Deen ko mili zindagi Gadeer kay din

Sawad-e-kufr ka sara tilisam toot gaya

Jahan mein phel gai roshni Gadeer kay din

Isi liye tou manatay hain Eid ahl-e-wila

Hui Rasool kay ghar mein khushi Gadeer kay din

Hain masnad-e-Sheh-e-Bat’ha kay Murtaza waris

Yeh sab kay dil per haqeeqat khuli Gadeer kay din

Jo sadq-e-dil se karein mustajab hoti hey

Dua kabhi na koi rad hui Gadeer kay din

Ali kay paaon se jis dam lipat gai aa ker

Falak maqam hui zindagi Gadeer kay din

Ali banay hain Maula tamam aalam kay

Jahan mein noor ki mehfil saji Gadeer kay din

Woh log kitnay muqaddar kay dhani thay jinhein

Wila-e-Aal ki daulat mili Gadeer kay din

-----------------------------------------------------

Kuch is tarah se yeh ibadat ko aam kertay hain

Sujood unki gali mein qayam kertay hain

Kaha Khuda ne Ali se bana kay jannat ko

Isay bhi Hum teray bachon kay naam kertay hain

Kaha Gadeer per Khaliq ne Mustafa se kay Hum

Ali kay zikar pe naimat tamam kertay hain

Tumharay han jo imamon se kaam ho na saka

Hamaray han woh Ali kay ghulam kertay hain

-----------------------------------------------------

Safar taveel hey aur Rah-e-nijaat choti hey

Bohat hey Zikr-e-Ali aur hayaat choti hey

Ali ko kesay mein Maula-e-Kainaat kahoon

Bara hey naam-e-Ali aur Kainaat choti hey

-----------------------------------------------------
Jo Nasal e Yazeed (L.A) Se Rakhta Hai Rabita

Jalta Hai Aaj Roza e Shabbeer (A.S) Ko Dekh Kar

Majlis Mein Aana Is Liye Biddat Bata Diya

Yaad e Ghadeer Aati Hai Mimber Ko Dekh Kar





-----------------------------------------------------